1月5日 - 1月12日 (清萊+清邁自駕遊8天之旅)
1月7日(星期四..Day 3)~離開Wat Rong Khun(白龍寺)
開始起程去清邁~但中途站..會先去"Doi Chaang Coffee"
take a break食少少野+買咖啡
場內除左悠閒嘆咖啡外~仲有咖啡豆/用品擺賣
買左2包Peaberry(400B/包@250g)~職員仲細心問用咩方式沖咖啡
然後將咖啡豆磨成適當粉狀~最攪笑..我同老闆講要"磨豆"
幾個職員好好奇跟我講"磨豆"~然後問我咩叫"磨豆"?(哈哈)
品牌來自泰北~自己培植既咖啡樹..所出產既咖啡豆
Cappuccino(75B) & Mocha(80B)
Mocha咖啡&朱古力味道平均~Cappuccino就重點得奶味
pizza整得好味~餡料足..芝士豐富~批底鬆脆香口
整體食物唔錯~服務細心+有禮貌有笑容
涼風吹送..環境好舒適(總消費:425B..約$93)
去洗手間果陣..昅到有個咖啡工場
食完hea夠..繼續出發往清邁!!
參考資料 :
Doi Chaang Coffee - https://doichaangcoffee.com/
(位置 : Chiang Rai < > Chiang Mai 118公路)
P.S. Chiang Rai < > Chiang Mai會途經"Hot Spring"遊覽點
因為興趣不大..所以無停車去浸/烚蛋~有興趣既朋友不妨可以留意下呢
一午一拾講清楚呀笠 午安好啦~
回覆刪除我對電眼就黎 DUP 落心口度喇 勁眼瞓囉~~~~
不過諗住叫下妳
唔係妳以為我消失於人間 嘩哈哈哈~
一陣見....................
五福笠..嘩! 幾快又星期五啦
刪除今日咁好陽光~你應該好精神啦!
蝦佬笠..我盡量叫自己精神d~~~~~~~~
回覆刪除我唔鍾意飲 Cappuccino 架
但一見 Cappuccino 就會諗起家姐
初初出黎做嘢果時 我陪佢食lunch
佢好慳家嘛 都特登加錢買杯 Cappuccino 比我呀
係咪好感動呢 但家姐唔記得呢件事 lu
我就唔同 受人恩果千年記架 嘩哈哈哈哈哈哈~
Pizza 正呀 我鍾意薄批架~
妳做咩唔瞓喺 d 咖啡豆度影呀?!
妳最多咪買番去囉 即場磨豆 聞下d咖啡香唔香嘛~~~~~
係咁~~~~
五笠..你家姐依d先好呀
刪除施思莫望報~所以唔記得囉!
雖然你..受人恩果千年記~但都好記仇架..咪唔認呀!
哈哈哈哈哈哈!
影咖啡豆果陣個老細出左黎呀~幾驚佢以為我攪破壞