1月5日 - 1月12日 (清萊+清邁自駕遊8天之旅)
1月11日(星期一..Day 7)~前一晚問問老闆
最後一日行程~想再做Spa..定係血拼~佢話"血拼"
好! 咁時間上仲可以鬆動d添~朝早係酒店食完早餐
揸車沿小路欣賞鄉郊風景~之後再出town最後血拼
行到攰..老闆話做腳底按摩(199B/1hrs)~佢果個好好手勢
我果個好大力~叫細力都不自覺大力返..按完有d痛囉
按摩完..經過AIYA Cafe~入去飲杯咖啡tea一tea
Signature Coffee(65B) Blueberry Cheesecake(75B)
咖啡好香..蛋糕質感幼滑~芝士唔漏..藍莓醬好香甜
"荔枝花茶"(60B)~茶味+荔枝味好突出好香 (總消費:200B..約$44)
飲完咖啡..最後最後血拼~買完買夠..回程早少少食埋晚餐
沿途經過一個local market~街市連熟食檔口
泰式油條
最後一餐..老闆揀食最愛既BBQ Seafood
燒魚(130B)
熟度剛好..入面仲有肉汁~鹽燒入到味
燒螄蛤(80B)
又係剛好熟..開殼後入面仲有肉汁
伴吃蔬菜份量好慷慨~新鮮爽脆
泰汁又係比好多~夠酸夠辣..好正
啤酒(60B)~老闆又係飲半杯過口癮..其餘我包底
另外..再外賣"燒蝦"(100B) (總消費:370B..約$81)
話咁快..最後一晚~早幾日已經開始有d唔捨得
返到酒店..開始收拾行李~早2日到步..已經pack好一喼
全部放晒手信,食物,唔用既物品~所以依晚好快收拾完
夜少少..食燒蝦+飲埋d啤酒~休息..聽日準備回程
* * * * * * * * * *
1月12日(星期二..Day 8)~依朝好早起身
收拾完行李~出露台吸下新鮮空氣
寒霧濃罩整個環境
有太陽照射~寒霧開始慢慢消散
雖然酒店無乜設施~但環境+房間都住得好舒服好放鬆
08:00拎定行李上車..準備check out
剛好太子仔出現~完全未瞓醒係屋企行出黎(哈)
睡衣look..著住legging係咁話好凍好凍~仲凍到震震下
佢話咁早check out~昨晚同佢講..可以為我地準備早餐
我話..就係唔想你咁早起身為我地整早餐(佢笑得好窩心)
講真! 我地聽到佢咁講~仲覺得窩心囉
今個旅程..辛苦晒架租車~陪我地跑左1148km
無想像係泰國都可以咁喪跑(爽) (總油費:$465)
09:30去到機場還車..任務終於完成了
前兩日已經online check in揀埋座位
還完車去counter寄行李~第一次回程超磅
2個喼共超重7.1kg~因為收納得太好..唔想又開喼
問職員收錢要幾多~見佢邊問邊寫70(暗笑以為70B..原來US 70)
唔駛講野..即刻執喼! 一Take過仲執到剛好46kg(勁! 哈哈)
回程乘坐國泰聯營港龍航空(KA233)~清邁 > 香港(機程2h30m)
航班早左抵達香港國際機場~清萊+清邁行程..完滿結束啦!
清笠笠早呀~~~~~~~~~~
回覆刪除我呢邊灰灰暗暗呀 妳果邊咩環境呀?!
AIYA Cafe 個名好搞笑..
總消費HK$44 喺兜巴星 1杯咖啡都唔止 仲要係難飲添 @@
呀喂係燒螄蛤代表 哈哈
不過我唔敢食 驚好腥呀~
燒魚真係 VERY GOOD 加埋個辣汁
依家流緊口水~~~~
笠豬子..午安啦! 嘩..又3點幾啦原來
刪除今日全日都灰暗暗又寒~你著唔著夠衫呀
衰天文台話暖左d~其實都仲好鬼凍呀! 要小心保暖呀吓
係啦..香港d cafe真係好貴~岩呀..又貴又唔好飲啦
哈哈! 阿喂真係好like食螄蛤/燒魚~希望佢食野同對我一樣啦
好在你流緊口水~幾驚你流緊鼻涕呀! 嘩哈哈哈哈!
閃! 我準備追警犬巴啦! bye你條豬尾 33
(好在未del個mail)
刪除太子仔真係好有heart 聽妳咁講都覺得感動~~
我下次都學妳 買完野即入喼 咁真係慳番好多時間呀
同埋可以知道個喼仲有幾多空間呢~
唔駛講野..即刻執喼! <-- 妳講呢句 我即刻幻想緊妳個樣呀 嘩哈哈
大佬 70US呀 我都會再執囉
不過我相信妳都係擺得整整齊齊 如果要調位應該唔難呢~
但妳真係好勁 剛好 46KG 哈哈~~
咁下次真係要同妳一齊去旅行 等妳用手拎下超唔超重先去機場 嘩哈哈哈哈~~~~
係咁~~~~~~
笠..係呀! 依d咪用心去服務囉! 令人好窩心
刪除好呀~你試下咁樣pack喼會唔會好d~我通常都係咁
你知啦..得一對手~最緊要快手攪掂ma
哈哈! 你幻想到我咩反應呀~即刻拉晒d喼去地下開啦!(快)
我地都覺得勁呀! 估唔到岩岩好46kg
哈哈! 人力秤..好! 唔準最多唔收你錢呀吓!