清萊+清邁自駕遊。手信+用品

1月5日- 1月12日 (清萊+清邁自駕遊8天之旅)

今次回鄉之旅~我個喼預左3/4空間..回程收納輕品

老闆個輕喼~回程負責收納手信+重品~就算唔計買野

我去旅行都鐘意超簡便囉~盡量帶晒即用即棄用品

可惜回程收納得好好都無用~買下買下..原來超重7.1kg

依家先睇下買左d咩用品~係Boots店買既body cream

依隻牌子未用過~但聞起好舒服..加上買一送一ma^^

平時以為老闆唔留意屋企用品~之前用過依款Body Butter

去到Boots即刻提我要買返依隻..話好好用

Hair Treatment Mask(x2)

依款hair mask都唔錯~用左d頭髮清爽柔軟順滑

香薰手造皂..買比媽咪家姐既

Warorot買既木製品~最衰老闆..邊揀邊叫我唔好買話阻地方

market入面近邊位..有個男人果檔~好大好多木製品

除左木製品..對面仲有賣瓷杯碗碟~好平!

Herbal Basic買既香薰香水

roll on設計~味道好原味+清香..細細支方便帶出街用

屋企有點香薰~oil burner,LB無火香薰,香薰噴霧機都用過晒

最終都係回歸原始~泰國好多Spa House/酒店都有點香薰

所以係當地買返d香薰油返黎

分別購自night market & local market

我鐘意Sandalwood~可惜唔係所有賣香薰既地方都有

加上有d味唔似唔會買~價錢亦比其他味既香薰油貴d

老闆話咁平..買多個細既香薰爐~咁比佢揀啦

屋企本身有個大既..細果個放電腦房用

蠟燭(x11)..每粒4hrs(100B/盒)

唔知係咪買10送1~返黎有11盒

泰北天氣冷~好多絲巾/圍巾..超平!(殺價:120B/pcs)

紅色送比奶奶~粉紅色送比大姑奶~銀銅色送比大E

奶奶問又會知佢鐘意紅色既? 我話..我好細心架

見佢買親野都紅噹噹~同埋..N年前佢講過囉(哈哈)

"清萊"買得2條咋~好多絲巾都好靚..有好多花清邁無架

最衰老闆阻住晒! 我話以後我買野~由我盡買..唔好阻止我

倒返轉佢買野~我會話鐘意就買..唔好諗! 過左無就飲恨(衰)

依條個花幾型..所以送比家姐~家姐話勁like隻色+圖案又靚

同款唔同色..依條女人味d~所以揀比媽咪(殺價:150B/pcs)

兩條都用消毒水泡浸>手洗>風乾>熨靚先送出去

圍巾比絲巾仲平d(100B/pcs)~質地好柔軟舒服

依條揀比Baby笠~佢鐘意鮮艷夠sharp..暗花都好靚

依條好green..清簡中又有幾隻色配搭

揀比green green大馬好友~因為唔抵得頸

又消毒泡浸>清淨>風乾>熨埋先送出去

依條天藍色見幾靚又買左先

我又鐘意著斗蓬~之前係Tasmania已經買左件羊毛斗蓬

今次清邁見到圖案花幾靚~唔算好民族feel

用黎簡單配襯都ok

老闆都唔輸蝕..買左條絲巾~頭尾有暗花

男士圍巾~有紅色點綴..sharp中比較硬朗

依條帶點穩重~小奧揀左依條..我覺得啡色好襯佢

依條少少sharp..幾醒目幾時尚感

依條係最後衝刺果日揀既~得一條..我勁鐘意

我覺得老闆戴得好睇喎~佢話ma ma..我即刻"私有化"

瘦田無人耕..耕開有人爭~之後又話鐘意(衰! 我唔會比返佢囉)

食品..Doi Chaang Peaberry Coffee(400B/250g@包)

Singha Park買既茶包(180B/包)~花茶好似係local market買

"清萊"..離開Doi Ang Khang回程經過果園買既荔枝酒(200B)

即場試飲..荔枝味好香~但淨飲就好甜+酒味好濃

返香港mix 青檸 & Tonic..超正! 好好飲

最尾果日BBQ Dinner果個local market買既泰汁醬(45B)

用黎做泰汁點食物/當dressing都唔錯

買左好多乾果~總之見到岩既..靚既就買(重到呢)

最大果包1kg..其他500g

什錦乾果好多款式..木瓜,奇異果,雪梨,菠蘿,番茄,梅等

不過有d乾果唔岩食~用黎沖"乾果花茶"

唔浪費..花茶又甜甜地~唔錯呢

老闆手信..少少地驚男士們唔太好甜吃

手信..大果包我既~當乾果吃 & 泡茶飲

士多啤梨乾~有d加蜜糖好甜..依款原味帶酸酸地幾開胃

屋企個零食樽..慢慢食^^

龍眼市場買既魷魚鬚..香辣軟腍腍(正)

仲有蝦米 & 魷魚仔~依家盡量少買瘦肉煲湯

會用蝦米, 瑤柱, 魷魚等乾品代替(連上圖總共:750B..約$165)