沙巴自駕遊。Tanjung Aru

9月16日 - 9月21日 (沙巴自駕遊6日5夜之旅)

9月19日(星期六..Day 4)~係"佳揚海鮮樓"食完lunch

回程順路揸車去買椰子布丁>豐成海產>返酒店休息

Hea到17:30..出發去Tanjung Aru行下+影日落

Ohoh!! 估唔到超勁多人揸車入去睇日落..超勁塞車

原本10分鐘車程~用左45分鐘先入到去..仲要搵位泊車

老闆揸車去到Beach話掉低我先~佢搵位泊車再join我

跑去沙灘..日落已經過晒lu~好在仲趕得切magic time












影完..由沙灘揸車去Tanjung Aru Food Court~好多車走

又慢慢塞出去搵位泊車~好在咁岩有架車走..趕得切泊位

Food Court以馬拉食物為主~除左熟食中心仲有d檔口









熟食中心位置..地方好大



油煙好勁..煙霧迷漫~原本想係道食d野..老闆話頂唔順(走)







沿路行下沙灘旁~有餐廳&酒吧..氣氛好好



仲有唔少用車軚整成既藝術品







剛去到Food Court果陣~見到有對情侶旅客

係停車場停下行下又望下我地~不過我地無理到

行完攞車又見到佢地~急急跑黎問我地打唔打的(share)

老闆問佢地去邊~話之前已經見到佢地(講緊係1個鐘頭前)

佢地話等左好耐好耐..都無的士又截唔到順風車

想返KK Town~但我地仲有地方去~所以話車佢地搵的士

係車道傾開計~依對廣州情侶都真係好堅

前一日搵唔到巴士~由Town行去Tanjung Aru(我估起碼要2.5hrs以上)

話個日落好靚~所以依日再打的黎睇~但無諗到無車走

我問佢做咩唔叫的士佬等~實有車走..唔駛攪到咁徬徨

佢地話無諗到~諗住回程會撞到有人出town就share打的

好在遇到我地~遇唔到都唔知要等到幾時

睇住佢地成功上左的士~我地就揸車去食榴槤晚餐lu