9月16日 - 9月21日 (沙巴自駕遊6日5夜之旅)
9月17日(星期四..Day 2)~食完"何記(文昌)海南雞飯"
揸車返KK Town行~再係Warisan Square做按摩
原本想做spa..但現場睇過幾間環境麻麻(誤撞依間"Joy"反而幾ok)
不過就無4hrs spa package~同埋..做完磨砂無得沖涼
唯有做腳底按摩(Rm40/1hr..約$74)~可能做慣spa力度比較柔
依家每次做腳底按摩都受唔到大力~又可能未必適合我做
加上技師好大力..輕力都痛~反而臨尾做shoulder+neck好舒服
做完按摩..揸車去"麗都廣場"食晚餐(位置:Panggung Lido,Lorong Rampai A)
早市巴剎~夜市美食檔~場內地方好大~越晏越多local黎食飯
形式同檳城飲食中心一樣~食店種類好多選擇
"桔仔冰"(Rm 9/2杯..約$17)
2日累積飲左太多甜野~之後幾日開始轉飲冰茶
再點1杯冰+2杯"冰茶"溝淡黎飲(Rm 3/2杯..約$5.5)
推介必食依間BBQ海鮮檔
"大螄蛤"..知老闆like食~所以叫一份
"BBQ螄蛤"(Rm 12/500g..約$22)
上檯已經聞到超勁香味~螄蛤熟度燒得恰到好處
入面仲有鮮甜肉汁~好好肉地..啖啖肉~肉質鮮嫩脹卜卜
面層醬汁超級惹味~原粒蝦米+sambal醬..唔辣帶少少甜
真係好味到mi晒眼~依家見到張相都吞口水..好想食 :p
"BBQ魔鬼魚"(Rm 24/600g..約$44)
燒得好香..皮層帶脆~面層醬料好豐富+入味
伴上醬汁又係勁惹味~肉質鮮嫩..入面仲保留點點肉汁
我揀左上面2款~老闆再揀"檳城蝦麵"(Rm 7..約$13)
先試一口湯~味道好平均..蝦味非常濃郁
伴上鮮蝦..爽口彈牙及肉絲份量都好足
麵條口感軟軟帶爽身又有點點黏口~味道好唔錯
晚餐唔點太多食物~因為要留肚食榴槤(哈哈)
之前去大馬幾次~都唔係食左好多次榴槤
今次係見最多榴槤品種既一次~時間剛好..好當造
入口香港既貓山王貴到癲~今次有機會要好好品嚐(Rm 40/1kg)
阿姐揀左個貓山王比我地(Rm50..約$92.5)
色澤好金黃..觸感軟軟
入口即溶..榴槤味非常甘香甜美(超強好味!)
麗都廣場真係好大~人流多..好熱鬧
榴槤檔左邊..仲有少部份熟食檔(總消費:Rm 105..約$194)
* * * * * * * * * *
9月18日(Happy Friday..Day 3)~晚餐再Encore"麗都廣場"
原本係KK Town行完~同老闆去Asia City視察下飲食中心
但環境好冷清..飲食中心規模都無"麗都廣場"咁大型+光猛
所以一致決定..揸車再去"麗都廣場"食晚餐
先點2杯冰茶(Rm 2.4..約$4.5)
行車中..我已經講定要encore"BBQ螄蛤"(Rm 12/500g..約$22)
依日轉左煮廚~螄蛤同樣大大隻..脹卜卜又啖啖肉有肉汁
醬汁比前一日仲更加重料..更加惹味(又吞口水ing..超強好味!)
老闆點個.."四大天王"(Rm 13..約$24)
有毛茄,六角豆,茄子,豆角~依間係華人檔既小菜
醬汁味道都係無KL食過既咁濃香惹味~但蔬菜炒得脆嫩
老闆真係好like食粉麵~我講左2日想食"馬拉沙嗲串"都唔買
轉頭走去點左個"檳城阿參喇沙麵"(Rm 7..約$13)
湯底好濃郁..魚蓉好多~阿參唔算太突出
相比檳城"極樂寺"最出名果間Asam Laksa遜色好多
下午其實係KK Town橋底食完榴槤..都幾飽
所以晚餐要輕食~不過見有碌碌..老闆話要回味下
阿姐比個膠盒我地揀..揀完幫我地淥~自己加醬料..食得!
我已經食唔落~老闆點3串獨食+100 Plus(Rm 8.5..約$16)
見個fd成日飲100 Plus..又話好好飲~所以試下
味道似"有汽寶礦力"(總消費:Rm 43..約$80)
沒有留言:
張貼留言