9月16日 - 9月21日 (沙巴自駕遊6日5夜之旅)
9月18日(Happy Friday..Day 3)~今次去馬來西亞
巧遇"榴槤"最當造一次~Day 2..係"麗都廣場"品嚐過貓山王
Day 3..係Town行到咁上下~黃昏時段..橋底榴槤檔開始出沒
今次決定要係晚餐前..食左先(位置:Jalan Segama, KK Plaza旁)
依檔d榴槤幾靚..所以幫襯試個"竹腳"
竹腳(Rm 15/kg)(Rm 20..約$37)~第一個無味..再開依個香好多
榴槤好甘濃..口感creamy~但食過貓山王..始終念念不忘(哈哈)
之後..再去馬拉檔試個"生榴槤"(Rm15/kg)(Rm8..約$15)
野生榴槤..size好細~一隻手掌可以拎得晒
野生榴槤有黃肉/橙肉~兩款都creamy..但黃肉會甜身d
原本想試黃肉~但開左5-6個都係橙肉..咁是但啦! 試下囉
味道&口感如何? 想像食緊牛油果=榴槤就清楚了
9月19日(星期六..Day 4)~行完Tanjung Aru..其實未見餓
下午係"佳揚海鮮樓"食到好飽~老闆話晚餐食唔食都得
既然係咁..心思思同佢講~不如去"和生園"食貓山王
要係沙巴食夠榴槤先返香港(老闆話又食?! 好啦好啦..食啦!)(Go)
(位置 : Foh Seng, Lorong Mawas內)
又撞返橋底榴槤檔..果個後生仔~同佢傾開
原來幫襯"麗都廣場"果檔係佢阿媽~老闆話同佢真係好有緣
貓山王(Rm 59..約$109)
超正到mi晒眼~食過貓山王..真係翻唔到轉頭(老闆都話係..哈哈)
連食3日榴槤+天氣真係好熱~下午買定2個"椰子布丁"解燥
老闆話食完榴槤要飲可樂~溝埋咁多野..好在無肚痾(哈哈)
超勁解燥熱..喉嚨即刻唔涸~依然好回味既"椰子布丁"
沒有留言:
張貼留言