9月16日 - 9月21日 (沙巴自駕遊6日5夜之旅)
依篇紀錄隨便逛..隨便影~行過咩地方..有咩睇/買
仲有少少交通 & 泊車資訊~會group埋一篇寫晒
其實係沙巴6日~都抽左唔少時間去Town四圍行
唔係住Town又要搵地方泊車~一係泊街..一係泊停車場
當然..沙巴唔同泰國~唔可以隨便泊街~都見過好多被抄牌
罰款唔少..搏唔過囉~所以泊街就要去Parking Kiosk買票
但要買一本..無單張~加上泊街其實好難搵位又曬熱架車
所以我地揀泊停車場~一定有位..仲唔會曬到架車熱晒
推介Warisan Square停車場..超抵泊(Rm 2/3小時..約$3.7)
每次去Town..多數泊依個停車場~出閘由專人收費
商場好靜..好多吉舖~Centre Point會熱鬧d..不過無野岩買
另外會泊Suria Sabah停車場~因為同Warisan Square距離遠
如果行Town尾會泊依個~出閘前先Autopay(Rm 3/小時..約$5.5)
部份商場都用Autopay..好方便(如同增值八達通方法..插卡>入$..攪掂)
Suria Sabah主要行City Grocer
大型超市..仲有沙巴特產區~部份咖啡都係依道買
有d價錢仲平過出面特產店~綠罐可樂..香港都有得賣
道路上..黃色警告燈~預示前方係迴旋處
整體路牌及方向指示都好清晰
出發前知道16/9係馬來西亞日~但估唔到總理納吉會去"沙巴"
攪到四圍封路~由其Town好多好多紅衫軍聚集
又多警察又封行車線..勁塞車(好難忘第一日抵達~真係諸事不順!!)
Day 1..Free Walk@Filipino Market
無plan係道食野~純粹行下(勁多烏蠅!! 粉紅色果塊野係有人趕緊烏蠅)
除左飲食檔~仲有街市..有蔬果/雜貨/魚/雞/肉類等擺賣
Day 2..Exchange $@Wisama Merdeka
商場好多找換店~格晒價..搵間最高既換錢
再係商場四圍行下~見到有"榴槤軟雪糕"(買買買!!)
標榜用純榴槤整既軟雪糕
好香原味榴槤..口感滑溜~甜度ok
一日時間無可能行晒成個Town~所以分幾日逐部份行
乾品區&手工藝品區~每間貨品大同小異&價格差不多
乾品無Donggongon local Market咁平~但勝在pack好晒
同埋..Donggongon無鮑魚/海參等較貴價既乾品賣
依道就有~仲有好多零食/餅乾選擇
Free Walk@Waterfront
前方帳篷..一整排都係餐廳/酒吧
Day 3..Free Walk@Night Market
主要賣Tee/皮帶/手袋~貨品唔吸引
Day 3..Free Walk@Kampung Air
又係好熱門食海鮮既地方~係行人路影緊相
老遠已經有人跑黎兜搭~本身唔會安排係道食海鮮
因為價錢偏貴~不過老闆都話想入去八下喎
(八完出黎~佢話勁sell有折..折左都仲貴過我地食果2間)
Day 3..Free Walk@Sedco Square
飲食中心規模無"麗都廣場"咁大+熱烈
所以當晚再encore"麗都"食晚餐
Day 5..Free Walk@Gaya Street - Sunday Market
有食品/手工藝品/雀仔/狗/用品/手信等擺賣~手信價錢比較貴
好多又係大同小異
天氣超級熱!! 買杯羅漢果龍眼茶飲..味道好淡唔夠濃
仲有用"咖啡豆"即磨成"咖啡粉"
沙巴特產店
之前想買榴槤乾~咁岩早幾日買用品時問過local
佢話榴槤乾成本貴利潤少~無咁大型機器投資去整
其實d榴槤乾都係由泰國入口~叫我係泰國買抵好多
聽佢講完..唔買啦~依日經過開..入去試食算lu(哈哈)
加雅街好多熱門食店~其中一間.."怡豐"
Um...唔算好吸引既一個Sunday Market
(之前其實想去"Kota Belud Market"~不過來回程太長時間..放棄了)
沒有留言:
張貼留言