沙巴自駕遊。Gerai Sri Cahaya 2

9月16日 - 9月21日 (沙巴自駕遊6日5夜之旅)

9月18日(Happy Friday..Day 3)~行完"Pekan Nabalu"

中午時份..準備揸車去"Gerai Sri Cahaya 2"

期待已久既路攤燒蜆~車程1小時(位置:Julan Sulaman過迴旋處~尾二檔)


d蜆好巨~我地點一份大(Rm 12..約$22)



廚房位置~用柴燒..風味十足



沙巴天氣真係好熱~差不多每日都飲"椰青"消暑

凍椰青(Rm 4..約$7.4)~好巨..水份十足~清淡但唔夠凍



等緊燒蜆..走來一隻好痴人既貓B



燒蜆製作需時~準備上檯前..檔主送來調味料

有兩款醬+青檸~兩款醬都甜甜地..我比較鐘意後者



等左10分鐘..期待既燒蜆終於上檯(啪啪啪!!!)



一份有20隻~燒到殼都焦焦..但蜆肉唔老仲有點水份



肉粒脹卜卜..醬料帶微黃薑味~榨點青檸汁+醬汁伴食..正!



食完燒蜆~點個"椰子布丁"(Rm 5..約$9)

有杯裝/原個裝~當然要食原個裝~超巨椰青..份量好滿

面層起伏部份..係鮮椰肉絲



口感超滑溜~加上夾雜嫩嫩鮮椰肉絲帶點咬口

味道好清甜~炎熱高溫下..食個冰凍"椰子布丁"

wow!! 真係十級消暑..透心涼(總消費:Rm 21..約$39)

實在太念念不忘個布丁+價錢真係勁抵食

第2日經過食完lunch~再買2個返酒店慢慢品嚐^^



離開燒蜆檔..下午返酒店休息~5點幾再去KK Town行

係橋底又搵榴槤食~食完又四圍行..再去Asia City飲食中心

視察過環境無"麗都廣場"咁好~所以再揸車去"麗都"食晚餐

(前篇下半..已紀錄是日晚餐)~食完飯就返酒店休息lu