4月6日(星期日..Day 2)~返到酒店..又Happy Hour休息下先
7點多..準備去酒店餐廳食晚餐~記得前一日check in既時候
服務員會查問有無食物敏感~因為會另作餐飲安排(感覺好貼心)
而餐廳每晚會安排指定服務員~由點飲品至落order
上菜到品嚐每道菜..由指定服務員負責照顧每檯唔同既客人
每次收碟過程中..仲會問客人~菜式味道如何..岩唔岩食等
形式上同"馬爾代夫"一樣~除左問..仲會留意客人食剩咩食物
其實亦代表客人對每道菜既評價呢(當然依點亦好視乎個人口味)
每人一份麵包~基本每日同款(番茄味麵包,軟法包,麵包捧)
可自由選擇~老闆最like食麵包捧..通常要3條+1個包
"薯茸伴pancake三文治"
薯茸勁軟滑~點點牛油香+好有薯味
三文治底層用pancake..青瓜粒..cream..魚組合而成
cream令整體口感好軟滑+好清新~pancake好軟綿綿
冷盤.."吞拿魚沙律菜"
魚肉略煎後再切片~外層肉質有咬口..內層則軟軟
伴上醬汁微酸帶少少鹹味..好開胃~口感+味道都好正
另一款.."棕櫚樹芯沙律菜"
終於有機會一嚐棕櫚樹芯
口感爽脆..有點似果實味道~好清新感覺
主菜.."烤魚伴意大利飯"
我本身唔鐘意食意大利飯~感覺太濕..飯又軟爛
但都試一口~味道都ok既~魚類通常就比較鞋口
"大蝦伴茄汁燴雞(伴飯)"
蝦肉煮得有少少老~但肉質都ok
茄汁燴雞..味道好開胃~同樣..唔知係咪佢地飲食習慣
肉類都係比較過熟~雞肉好鞋口
鮮薯片..勁薄又香脆~正!
前幾篇講過用椰肉整既茸類~味道其實好似豆茸..好軟滑
"Raspberry Mousse cake"
紅桑子味道好豐富~但整體甜品超甜到打冷震
旁邊有塊脆糖片..又係超勁甜
"雪糕伴Pancake"
用橙味做甜醬料..又係超勁甜
我點左杯Cocktails Signature.."Thai Mojito"
主要用rum,薑,lemongrass,鮮檸檬汁,菠蘿汁,薄荷葉調製
味道清新帶fresh..因為要少甜~甜度好good
服務員介紹老闆飲既.."Martiniquaise"
主要用rum..青檸..蔗糖~味道好正! 返到香港都有自調黎飲
食完飯..返房梳洗休息~10:30pm已經瞓覺lu~明天繼續行程^^
(待續)
二笠子早啦 今日我 ok 精神啦 ~
回覆刪除一陣想食酸辣米線呀 一齊食啦喂 ~~~~~~~~
我都唔鍾意食意大利飯 好林好爛咁 妳知啦 我鍾意煙韌嘢家嘛 糯米飯好食 d 哈 ~
原來棕櫚樹芯係食得嘅 咁妳下次有機會見到棕櫚樹就咬下佢啦 哈 樹皮應該都 ok ~
係咪紅桑子酸酸地 所以脆糖片會覺得更甜囉 我鍾意脆糖片 ~
三笠..聽日off呀~正啦!
刪除吓...! 又米線??? 夠啦....我聽日去食呀! 嘩哈哈
係囉..我好怕食太軟腍既飯~你都d..like多汁撈飯
都會易接受ma! 知啦..煙韌呀ma! 食得多又話頂胃啦你..煩
樹皮留返你慢慢咬~我食樹芯已經好滿足..哈哈
唔...個甜品就係因為酸~要加到好甜..所以打晒冷震
wow...the food looks real good....love French food! you don't like risotto? not every restaurant makes good risotto, but if they do it well, it tastes really good...not that soggy/mushy...
回覆刪除jessee
hello~o!! jessee ^^
刪除可能我都係比較like炒飯果個感覺~太醬..好易飽膩+漏~所以ma ma囉
毛里mimi hihi~ 好耐冇見喇 多謝你既祝福呀 大木同小木暫時都好好呀 係餵佢食奶令條腰勁攰...有時攰到想斷咁
回覆刪除已經miss佐好多篇毛里添 唔知遲啲有冇時間睇番晒呢
係喎 呢到既service同馬爾代夫差唔多 食物都差唔多 係咪都以西式為主架? 當地特色食物係咩呀?
棕櫚樹芯 啱啱睇旅遊節目都有介紹呀 啲土(注)會用啲葉包住煮嚟食 個主持人就咁生食 你呢個都應該係冇煮過 望落好爽脆咁 我都想食下呀 椰肉整既茸類都好特別 綠色唔似食ing椰肉
哎yo..啲甜品又係超甜呀 可能外國人都比較好甜
大木..好開心見到你呀~你身體ok嗎? 記得坐月好緊要架
刪除有無請陪月呀? oh..腰痛真係知有幾辛苦~d人成日話
抱得bb多..隻手都痛架~所以你都要習慣小木多d瞓床
一來..夜晚無咁痴身~二來..你都無咁累損..知ma! 多d休息啦
bolg幾時都歡迎你黎~最緊要keep好身體先呀
係呀..樹芯就係好早前睇ed介紹~所姒好好奇個味..終於就試到呢
甜品真係太甜啦~可能我唔係甜品王..所以真係頂唔順