無晒心情想去旅行~直到治療完後..雖然阿喂有提議去散心
不過時間太緊迫..機票已經售罄~但其實又無話好失望既
因為今年可以再plan~我地唔會為出走..而臨急出走囉
今次都係就阿喂去"陽光與海灘"~所以plan左個"雙島遊"
雖然我都鐘意"陽光與海灘"~但我真係好唔鐘意曬黑架(哈哈)
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
今次旅程要特輕便+想帶最少野出走~所以唔會帶電腦
加上旅行係要hea+食玩瞓~我地會爭取時間去享受假期^^
反正手機都上到網~主要都係update新聞+天氣+上fb
不過我地一日都上唔到半個鐘~唔會浪費時間去上網囉
今個旅程雖然超hea玩~但我覺得d時間都唔夠玩啊^^
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
3月3日(星期六..Day 1)~國泰航空..旺季先有直航去"浮羅交怡"
所以今次都要坐"馬航"轉機去~第一程由HK > KL(MH075..08:45)
買package時..機位已經預好~去到check in+寄行李手續好快呢
座位安排都好滿意~來回4轉機程都算坐得好前
而KL > LGK(MH1446..14:15)~仲比國際線坐前好多呢
今次再乘坐馬航..空中少爺佔最多~服務比空姐仲殷勤細心
而食物水準都提升左~主菜夠熱而麵質都ok..整體食物ok
3點多去到langkawi機場~有agent接我地返酒店
今次唔揀住resort~因為其實langkawi已經第3次去
今次只係當過境玩幾日~同埋我地主要係自駕遊+食
行程重點係另一個島~亦係我地今次旅程既主要目的地
今次揀住Kuah town既Bayview Hotel(deluxe seaview)
房間真係好大喎~而且都乾淨+夠光猛
房間外望既海景~附近仲有好多的士守候呢
Town既位置有食店+好多duty free
大門旁就係洗手間~而床側邊..仲有個好大既空間
洗手間都好大而且乾淨~除左企缸..另一邊仲有浴缸
設有一般用品~但牙膏牙擦要自備
Lobby位置好大~服務員既服務都好唔錯
而酒店仲設有免費wifi服務~房間都收到wifi
不過唔太stable~有時會比較慢or load唔到
酒店餐廳..早餐位置~有沙律,生果,麥片,奶,麵包,tea or coffee
熱食有炒飯,炒麵,腸仔,pancake,印度薄餅,咖喱,湯粉..另有專人整蛋
反正每日都會留肚出去食野~所以早餐食得唔多
主打食少少生果..最主要飲好多茶囉~整體酒店早餐都ok
P.S.
"money exchange"
唔急用錢既可以出town先換~機場個rate會低
我地昅晒exchange shop+酒店~最終酒店個rate最高..所以不妨留意下
(待續)
沒有留言:
張貼留言