昨晚瞓得好好~好瞓到半夜落雨..阿喂出露台收衫都唔知(哈)
朝早7點咁岩我醒左一醒~起身望出露台..見準備日出喎
二話不說..外套都著唔切~就拎相機衝出沙灘捕日出
因為我地住sunrise beach ma~唔好浪費睇日出既好機會
影完阿喂都剛醒左啦~梳洗完..就去Resort餐廳食早餐lu^^
Resort既自助早餐選擇唔算多..但食物好新鮮+refill得好密手
另外仲有breakfast可以order~主要係即整雞蛋類既食物
依日有order breakfast~不過食完早餐催左2次都無黎到
所以同服務員講取消囉~反正都已經半飽
自助早餐有..麵包,曲奇,炒飯/炒麵/意粉,腸,火腿,沙律,生果
依幾日早餐..我食最多就係沙律菜+生果(芒果/青芒,蘋果,菠蘿,西瓜)
飲品都好充足..咖啡,奶茶,中國茶,美碌,果汁,奶
refill樽裝果汁(用調味色素製成)~所以之後都係飲茶/咖啡..健康d
食完早餐..同阿喂hea玩浮潛~玩完hea夠..
就出去行下walking street~順便準備食lunch
Koh Lipe其實唔大~徒步已經可以貫穿全島
由Zanom Sunrise穿過小徑..係最直接既方法
(由相片2間resort房間~中間小徑直入就可以了=有棵粉紅色大花盆既位置)
穿入小徑..會見到好多村民住既房屋
因為部份小徑又要轉左轉右
所以依條係最直接+快簡易去到walking street
見到有個圍欄既Resort..前面就已經係walking street
石屎路段為walking street
整條街都係店舖..有餐廳,士多,便利店,Massage,藥房,衣服店等等
由Resort行到去Pattaya beach既walking street入口
(=昨日剛到步既沙灘~而immigration既counter..就係沙灘前方位置)
閒逛完..我地就準備去食lunch呢^^
(待續)
沒有留言:
張貼留言