係時候同阿喂去食野~原本已經揸車去到"燒蝦場"
點知星期一off..無開檔~所以同阿喂返出town先食囉
不過好多華人飲食中心都準備收工~是但撞左入一間
叫"鑽石花園"既飲食中心~好在仲有一檔"海南雞飯"食
我覺得..華人飲食中心既食物大多都唔好食
阿喂話已經餓到暈~個雞飯仲快速自己食晒(+2杯青檸冰..總消費Rm7.1)
之後再返酒店附近果間"水鄉小販中心"再食過
依間上次既印象都唔係好~唔明d華人點解無笑容
"桔仔話梅冰"
"西刀魚丸撈麵"
"西刀魚丸"得滑+彈牙~欠缺香港魚蛋既果份魚肉味
"爪哇炒米粉"
食完lunch..見天氣超爆曬+熱~下午同阿喂去酒店泳池hea游水
另外酒店仲有免費sauna+steam呢^^
超正..浸完上水即刻消晒暑~坐坐下仲覺得有d凍添(哈哈)
hea玩+梳洗完..出去食晚飯lu~原本依晚我想食印度菜架
點知阿喂話..想食海鮮餐喎~仲話食完海鮮再去食印度菜
最終比佢老點(嬲)~依晚揀去"同心圓"~位置係steamboat附近
"香酥魷魚"
炸得好金黃酥脆~好好食
"甘香炒蟹"
依間有活螃蟹~肉嫩又好新鮮
個醬汁都好ok唔錯~不過論香口惹味都係steamboat正d
但相對用料食材就好新鮮~整體依間既服務都ok
不過唔like成日叫我地食龍蝦~感覺遊客就一定sell依d咁(總消費Rm68)
食完飯阿喂話超飽食唔落印度薄餅~之後返酒店休息lu
(待續)
沒有留言:
張貼留言