7月17日(星期四)~"威馬遜"來勢洶洶..依日掛上三號風球
因為訂左檯食生日飯~餐廳下午都有人打黎reconfirm booking
去到餐廳..聽侍應講~因為打風關係..原來有好多客取消訂座
依日天氣唔好..大風又大雨~大半日時間留係屋企自由活動
加上生日無乜特別~只想靜靜地兩口子食餐飯..已經足夠呢
是日節目..行街 > 食晚餐 > 再行街~生日就是如此簡單渡過^^
~ ~ ~ ~ ~ ~ ~ ~ ~ ~
依晚book去"諾士佛檯-The Steak Kitchen Bar & Restaurant"
係King Parrot Group旗下食店之一~環境好幽雅..舒服有情調
紅酒伴上餐廳播放既柔和音樂..好enjoy的一個晚餐
7月2日(星期三)~近排d西柚好當造..大大個又靚
加上果肉豐富又飽滿~每一啖感覺都好好肉地(哈哈)
依排都食左好多個lu~見天氣咁熱..又試下用黎整甜品
我的雪葩系列中又增添一款新口味.."西柚乳酪雪葩"
6月12日(星期四)~依排整左唔少冰感甜品比老闆食
之前用榴槤起肉整甜品~真係好正..但食完個人好燥熱
反正屋企有綠茶雪糕~依日再整個"紅豆抹茶雪糕伴椰汁冰"
朝早整定2份椰汁冰底~下午組合其他食材..變成我既下午茶
仲有一份..留返老闆做飯後甜品^^
5月14日(星期三)~上個星期五..老闆OFF
果日去左H-D食雪糕下午茶~佢揀左球"檸檬雪葩"
見佢話好好食~所以應承整比佢食囉~雪葩之前都整過
用料大致一樣~不過因為無果肉..變左乳酪份量要多d
前一日整定個"柚子檸檬乳酪雪葩"~留定比佢依晚食
我就用黎整左份下午茶獨享^^
之前有個blog友問開..阿E果個"辣菜圃"點整
原本諗住過幾日問阿E~咁岩果日係"添記"食車仔麵
見佢放左樽係檯面~其實我同老闆都鐘意食"辣菜圃"
見好似好易整~最終都唔打擾阿E~試下依自己口味整
點知老闆話~佢鐘意食又唔即刻整..blog友問就即整(呷醋?)
哦?! 佢無諗起平時欽點要食東東西西..我都即刻整喎
依篇打尖出左先~夏天整定一樽送粉麵真係好唔錯^^
