The Steak Kitchen Bar & Restaurant

7月17日(星期四)~"威馬遜"來勢洶洶..依日掛上三號風球

因為訂左檯食生日飯~餐廳下午都有人打黎reconfirm booking

去到餐廳..聽侍應講~因為打風關係..原來有好多客取消訂座

依日天氣唔好..大風又大雨~大半日時間留係屋企自由活動

加上生日無乜特別~只想靜靜地兩口子食餐飯..已經足夠呢

是日節目..行街 > 食晚餐 > 再行街~生日就是如此簡單渡過^^

~ ~ ~ ~ ~ ~ ~ ~ ~ ~

依晚book去"諾士佛檯-The Steak Kitchen Bar & Restaurant"

係King Parrot Group旗下食店之一~環境好幽雅..舒服有情調

紅酒伴上餐廳播放既柔和音樂..好enjoy的一個晚餐

order完食物..送上新鮮麵包及麵包捧捧(麵包伴上牛油及黑松露牛油)

原味淡淡牛油..而黑松露果款再夾雜菇菌香味~兩款都唔錯

麵包外微硬帶拉扯感..內層質感好鬆軟~包身暖暖..好香芝麻味

麵包捧捧好鬆脆又唔會過乾..好好味

服務生送上四款鹽..當中兩款屋企都有食用

原來我都幾鐘意食脆豬手~所以都因為隻豬手而來

我點個"脆皮燒豬手"

侍應等我地影完相..再切件~切既時候都聽到清脆卜卜聲

皮層真係超脆+薄..連凍左都keep到脆口感~豬手肉質軟嫩

味道唔會太鹹而豬手都算瘦

以兩款醬料伴吃~我個人鐘意點芥辣~另一款帶甜..不太岩口味

"薯餅"..用新鮮薯絲製成~薯味十足+外焦脆內軟

原本諗住另叫個pizza share食(因為真係超勁想食pizza)

點知老闆話想食牛..點個"美國特選級西冷牛扒"獨享

而醬汁有三款選擇(蒜蓉/黑椒/蘑菇)~佢揀左"黑椒"

煎得好靚..老闆話有牛味+肉質口感都好好

伴菜中既"烤蒜"..老闆話好好味(原來佢like..所以我話遲d整比佢食)

order時聽侍應講..食物要等20-30分鐘

所以諗住叫個"炸薯條"伴紅酒先..點知食物接住送上

最終決定先食晒其他食物~薯條食唔晒再拎走

薯條好幼唔算好味~好普通而且入面較乾

整體食物有水準..用心製造+好好味~環境非常舒適

服務仲非常好又好細心..有熱誠招呼及介紹食物

另外..食店有個"沙律吧"~點主菜便可享用(+$80/每位)

如果唔跟主菜散叫($150/每位)~整體價錢亦好合理