食譜。西柚乳酪雪葩

7月2日(星期三)~近排d西柚好當造..大大個又靚

加上果肉豐富又飽滿~每一啖感覺都好好肉地(哈哈)

依排都食左好多個lu~見天氣咁熱..又試下用黎整甜品

我的雪葩系列中又增添一款新口味.."西柚乳酪雪葩"

材料好簡單..西柚,純乳酪,青檸

調甜方面..今次用毛里裘斯既蔗糖漿代替果醬

起左肉既西柚皮~順便放入雪櫃吸味

將所有材料攪拌完成後..冷藏前係水狀

由於西柚以水份為主~冷藏時間..比用固體果肉較長

冷藏5小時後..第一次叉鬆既效果(半冰感+帶水份)

再冷藏3小時..第二次叉鬆~質感已經黏稠無水份..完成了

味道方面..甜甜地帶西柚極微澀口感~乳酪味都好突出

整體都唔錯~我覺得顏色仲好靚呢

伴上椰果及西柚肉~夾雜三種不同甜味既感覺^^

食譜 :

1. 純乳酪(2杯)  2.西柚(1個起肉)  3. 青檸(1個榨汁)  4.果醬/蔗糖漿(3湯匙)


1. 將所有材料..放入攪拌器完全拌勻
2. 倒入密實盒內..放冰箱雪5小時~取出用叉叉鬆
3. 放回冰箱~每隔3小時取出用叉叉鬆
4. 重覆以上步驟~直至雪葩不黏叉..有黏合效果即成

P.S. 因應各雪櫃既冷凍速度~可自行調配重覆步驟次數
而甜度可因應個人口味調配~攪拌後可先試甜度..比正常再甜就可以~因為冷凍後甜度會減低