布吉自駕遊。Phuket(Istanbul Turkish Restaurant)

1月10日 - 1月17日 (布吉自駕遊8天之旅)

1月14日(星期二..Day 5)~就左老闆咁多日..咁多餐

依日早餐要就返我啦! 佢個表情..好似妹妹咁屎一屎面

屎面都無辦法!(哈哈) 是日早餐。Istanbul Turkish Restaurant

泰國好多外國人..係當地做家鄉生意~所以每次去泰國

除左食泰菜~我都鐘意揀d唔同國家既菜色食

老闆娘好熱情~同埋..一口流利土耳其語

因為老闆用翻譯想聽下"謝謝"..土耳其語點講?

咁岩老闆娘放低完野轉身走~就聽到句土語..即有反應

拎返轉頭教我地講! 但超難學~講完都唔記得lu(哈哈)

我點個"傳統土耳其早餐"(share食)~老闆點"番茄腸+蛋"

傳統早餐跟土耳其茶~可惜無晒apple tea..但都送杯比老闆飲

超鐘意! 每款少少又多款式既早餐~我好鐘意食中東菜呢

老闆個早餐..有2隻蛋+腸&番茄蓉

 我果份有一隻蛋

其他小碟有茄汁辣腸..小春卷..芝士果仁

 小春卷係素卷..好清新熱辣辣好味

 健康小吃..正!

 鮮番茄青瓜沙律..茄味好出+好新鮮! dressing仲好開胃

 芝士+橄欖..好匹配既組合

 橄欖醬..茄醋辣醬(唔清楚佢實際叫咩醬名~但食到依3種味道..好開胃惹味)

依2個果醬..超正! 果醬完全係新鮮製成

果肉半乾但又食到鮮果味道..真係好好味!

將小碟材料..隨個人喜好加入包包內

個包都好好味! 老闆屎面既同時..我一人獨享早餐

要尊重豐富既食物~幾飽都好..我將全部醬料清晒(哈哈)

傳統早餐仲跟上一個新鮮焗製既餐包..有牛肉/芝士味

我揀芝士味~質感好特別..口感似食緊厚實既酥餅

但佢完全係一個麵包..餡料係清淡的芝士配香草

整體食物好精緻+正宗~食材非常新鮮

服務都好好~主要食客都係中東人(總消費:B570..約$148)

(待續)