布吉自駕遊。Phuket (Apartment Dining)

1月10日 - 1月17日 (布吉自駕遊8天之旅)

依篇綜合係Apartment既餐飲..包括晚餐+早餐

每朝我地最鐘意泡熱茶飲~飲夠水..就出去做運動

平時老闆返工..好少係屋企相對飲茶~朝早我既飲水量好多

老闆話..老婆! 你有無咁誇張?! 朝早可以飲咁多水架?(哈哈)

Apt每日有2支大水供應~我地再買6支大水+12支細水

計計下..大水都飲左20支~啤酒唔少得..第一日攞車後

第一站去買蒸餾水+啤酒~啤酒飲左54細支+1支紅酒

 1月12日(星期日..Day 3)~係Central Phuket新翼超市買外賣

"炸脆燒豬腩(配生果)"

醬汁係超市熟食部隨意取~老闆每款拎d..仲可以留用

 用平底鑊慢慢煎返脆卜卜

 "芝士雞肉薄餅(配薯件)"

都係用平底鑊翻熱..加埋醬料伴食! 超正!

翻熱炸脆燒豬腩..出左d豬油~唔浪費! 留黎煮其他野食

1月13日(星期一..Day 4)~package無+早餐~唔想食足7日

寧願他他條晏d先出去食~依日做完運動..安排係Apt自煮早餐

西式早餐黎講..老闆最like食腸仔~掛住同笠+小奧whatsapp

老闆極速將d腸仔食晒..原來我食左2條咋!

"多士+熟蛋"~超市盒裝蛋..最少6隻

我話食唔晒! 咁老闆見到有2隻..即買!

又係老闆欽點要食既..parma ham

最尾..燒熱少少豬油煎蛋! 一打蛋我就大叫..熟既?

原來大家無睇包裝..2隻裝係即食唐心蛋(哈哈)

1月13日(星期一..Day 4)~Rawai Fish Market買海鮮返去煮

老闆欽點.."灼螄蛤"~配豉油辣椒醬&bbq醬都好味

連日係超市買唔少生果食..依款唔知咩生果?

入口甘甘地..之後又回甜~開頭食唔慣..食食下都唔錯喎(哈哈)

早餐剩左既沙律菜..再加d木瓜

 "醬油大虎蝦"

 "蒸藍蟹"

1月14日(星期二..Day 5)~第一晚想去"Fon Thai Food F&F"

但無開! 依日揸車去睇下~有開喎..咁買外賣返Apt食呢

"青木瓜沙律"..個泰汁好辣~食材好新鮮

 "炸雞翼"..又係翻煎脆身~依個都好味

"炒菜+炒飯" 

 全部都好味~依間d食物質素好唔錯

 晚晚都食生果~芒果都買左幾pack..好味!

1月15日(星期三..Day 6)~係Makro超市買食材返去簡單煮

"鹽煎青口粒"..份量好多+好在細細粒

肉質普通有d好味..有d粉感

"BBQ醬煎巨蝦"~太大隻..要先起肉切件煮

聽日唔煮..清埋d醬唔好浪費! 用BBQ醬..效果非常正

 "鹽炒蘆筍苗"