布吉自駕遊。我們在途上

1月10日- 1月17日 (布吉自駕遊8天之旅)

終於又黎到最後一篇..我們在途上~返老家無乜影相

始終唔係新地點~同埋..我唔話影~老闆係唔會自動波

不過今次好多謝老闆~佢用最老實角度(=不經思考構圖)

影左好多..我最真實既一面~包括..肥大, 圓潤, 粗壯

超鞭策! 令我減肥既決心要再大大提升(18層地獄式..進階版)
******
Day 1。Europcar取車

一向老闆攪~好日唔攪..寫寫下野~檯邊爬左隻甲蟲上黎

嚇到我呢..極速彈開左! counter個女仔應該都驚昆蟲

見佢想用紙撩走佢~但又縮縮下咁! 正當老闆想出手

我大叫..唔好呀! 因為我知..老闆一出手~隻昆蟲實死架!(哈哈)

Apartment。日日運動身體好

GYM Room有2部跑步機~但每早一定有個女人用其中一部

所以無機會同老闆一齊跑~唯有老闆跑步..我轉踩單車

不過唔鐘意踩..踩完個膝頭有d痛! 同埋..出汗唔夠多

讓比老闆用跑步機啦! 見佢跑到大汗淋漓..好鬼爽! 

打後幾日..老闆話佢揀游水~咁分開做運動..我可以跑步

佢游完水+焗完sauna..會上黎join我~順便做下器械

泳池好多位影相好靚~不過要老闆影得好..就真係。。(灰)

Apartment。每朝嘆熱茶

Apartment。悠閒吹風+發呆

露台位置真係超正~加上草地景觀夠遼闊

朝早雀仔叫..夜晚有少少蟲嗚~無論日/夜都非常舒服

Phuket G。價格拍得Super Cheap+貨源超充足

比例下老闆伸埋手既高度~貨架好高+齊貨

Rimpan Restaurant。海景午餐

老闆好like個環境~自動波出去影相..仲影我喎!

依道環境真係超正! 如果夜晚食仲有情調

布吉自駕遊8天之旅..正式完滿結束! 多謝收睇!