阿德萊德自駕遊。Victor Harbor (Free Walk)

3月13日 -3月26日 (阿德萊德自駕遊14天旅)

3月19日(星期一..Day 7)~係"Granite Island"環島遊覽完畢

返townhouse休息+食lunch~hea夠再出發係小鎮閒逛

Townhouse對面..好鐘意個環境~好多高樹..非常綠化

旁邊有小徑..可以行落沙灘~對面係Granite Island

沙灘就咁睇好似好dirty~其實係佈滿極密既海藻呢

我叫老闆同媽咪做d動作..成碌木咁既? 係咪做緊架啦?!(哈哈)

我地先由townhouse既右邊走~全部係海景小屋

好靜..好靚..好舒服

尾端有個Beachfront Holiday Park

有獨立屋,露營車場及camping

 有水電設施供應~估唔到都幾full

Holiday Park盡頭行返townhouse..再向上行(=往Granite Island方向)

海邊都有d公園~公園入面既遊樂場設計好環保

香港一般會用軟膠地墊..以防小朋友跌親

當地既公園..全部係用軟木條~既環保又無毒

緩步徑設計都好靚+超多樹木綠化環境

開始轉入大街..集中有餐廳

好鐘意小屋設計~視野空曠好多

同埋..有古舊小鎮既風味

Shopping Mall..Victor Central

算係小鎮最集中既一個商場~同之前舊式建築物..對比好大

肉類+急凍海鮮店

間間入去8下(哈哈)~依間似小型雜貨店..但又有野食賣

貨品唔貴..朱古力好平~買左3包返去隨時食..又好好味喎

門口依d車..好多老人家用~應該係for行動唔方便(=輪椅)

車仔外觀都大~但幾型又舒服~店入面仲有好多鹽燈..好靚

Big W..部份貨品好平好抵買

之前去Tasmania買過依款cream..又平又好用

所以今次再去澳洲~都特別講定要上貨

Adelaide Town有..不過每瓶要AUD$9.9(約$60.5)

我以為幾年間..咁快脹晒價~估唔到..係依道搵到

仲要同價AUD$3(約$18)..即買啦! 勁開心到呢(哈哈)

媽咪同老闆都有收穫~佢地買衫..質地超好(幾蚊件咋)

Woolworths..好多野賣+好新鮮~主打買日常食材

同埋..入島前都上定多d食物~因為預島上既超市

無咁多野賣~知老闆like食豬扒..媽咪又主打三文魚

每樣買定2 pack..入島做儲備啦

商場以外..附近仲有間Coles~不過貨品無Woolworths咁多咁靚

SipnSave..又係入島前~同老闆再上定d紅白酒/啤酒

Veg Out..蔬果超超超平~所以同樣買定多d食材入島

又平又靚~唔買對唔住大家啦(哈哈)

暫時到訪過Adelaide Town & Victor Harbor

Adelaide Town絕對係城市區..繁華熱鬧既都市

Victor Harbor係一個好寧靜..平和人少既小鎮

兩者比較之下~我同老闆都好鐘意Victor Harbor

我本身越少人既地方..就越鐘意~因為人多又嘈+紛爭又多

所以老闆成日話..我係孤獨村長大~一個人生活都可以好泰然
(講真..我的確係好獨立+鐘意獨來獨往~唔駛朋友陪飲陪食陪行街..但有時間都會搵佢地見面吹水既^^)

而老闆就鐘意個環境~無town咁人多車多+比較靜

同埋..最主要佢話Victor Harbor買野好平~仲幻想係道居住

可以日日同我去Granite Island行山當運動喎(幻想太美好了)

話咁快..聽朝要check out去碼頭..坐船入"袋鼠島"啦!

(待續)