袋鼠島自駕遊。Penneshaw(Western's Rest Holiday House)

3月13日 - 3月26日 (阿德萊德自駕遊14天之旅)

3月20日(星期二..Day 8)~離開"Kingscote"

直接返Holiday House(約45mins)~之前搵"袋鼠島"住宿既時候

第一眼已經被依間Holiday House深深吸引(其他住宿已經睇唔上眼)

加上又近碼頭~走果日唔駛揸長車程..都係方便點之一

所以唔考慮咁多..就決定揀住依間"Western's Rest"

入口大門係後面~同埋..自由時間取鎖匙~唔駛同屋主交涉

條key係灰色箱入面

大門直入位置~有洗衣機+乾衣機

再穿過趟門..就係開放式廚房

廚具超足~不過依個櫃..每日下午開始會有黑蟻出沒

有日焗完野食..個焗盤唔記得洗~第2朝媽咪好早起身

話超勁多蟻..密麻麻佈滿廚櫃檯~我見到實嚇死喎

咁岩之後我放個透明黑字膠袋係櫃面~媽咪經過話嚇死佢

以為又一大堆黑蟻~似乎堅多黑蟻到..媽咪都有陰影(哈哈)

廚房同飯檯中間果張檯..都有好多廚具

由owner自己打理~真係上心+乾淨好多

煮食爐+焗爐旁廚櫃

老闆勁興奮話搵到個飯煲(哈哈)

廚櫃旁既小擺設

中間餐檯..再分成左右兩邊客廳

餐檯仲有蠟燭~晚晚食燭光晚餐^^

最鐘意全落地玻璃窗門~可以睇到露台環境

視野好廣闊又全海景+屋內好光猛

"燒木式暖爐"

另一邊客廳..空間感好大好寬敞

依間Holiday House共有3間房~sofa旁其中間房

叫媽咪揀房先..佢又幫我地揀~叫我地要依間

話光猛+全海景~夜晚遮光有黑簾好瞓d喎(媽咪永遠都係諗人地先囉)

房間無冷氣~頭2日..仲凍到要加被

媽咪揀依間..個窗比較細+透光

洗手間連淋浴間~淋浴設計唔係咁好

擋水玻璃唔夠闊長..去水位唔夠斜+比較慢(地下方型果個)

玻璃邊放地布一定全濕(唔放更加唔得)~所以唔可以太大水

另一個好細既洗手間~又係怪怪地..無抽氣扇+洗手盆

露台位置..超超超正

每朝出黎伸展+呼吸下冰冷清新空氣(人都精神晒)

有日泊左隻大遊輪~晨早運送幾批客上碼頭..環島遊

露台樓梯可以落草地..勁多便便

夜晚有動物出沒~有晚探險遇見幾隻袋鼠(不過好驚人呢)

有日黃昏散步..落沙灘玩

係袋鼠島尾果2日~天氣雖然好熱..但海水都冰涼

尋找海鷗的足跡

我好鐘意袋鼠島~人更加更加少..d人又好nice

空氣超清新~浪聲..雀聲..完完全全遠離繁囂避世感覺

我寫緊字果陣..媽咪叫我睇下老闆(我話..寫埋先~唔得閒理佢)

um..媽咪好奇怪?! 點解我地去旅行成日分開玩?

不過我地係咁! 自娛空間好大~總之對方係視線範圍就ok囉

之後睇下老闆..吓?! 之前係咁話凍~又會游左出去既?! (哈哈)

係沙灘玩完..再係附近行下

老闆突然發現海中心..有群海豚出沒

有晚食完飯出去探險~望上個天..真係超靚超靚

探完險..返去即刻攞相機係草地影星星

原來我未影過影星星喎~影左好耐都唔係好滿意

老闆又催催貢..下次有機會要影得更好

依個環境..依間Holiday House~真係超正超舒服

(待續)