新會陳皮。柑普茶

我既生活習慣..每早會先飲2杯水~之後就泡茶慢慢嘆

等到肚餓先食早餐~咁中式/西式/花茶類..我都鐘意飲既

近年上網睇好多健康資訊~隨年紀增長..新陳代謝開始慢

就算有運動..體重減極都唔多落~原來痰濕積聚都有好大影響

所以依家要主打去"痰濕"~其實去"痰濕"..對身體都好好架

早年係荃灣..見有間專賣新會陳皮既店舖~不過無認真入去睇

咁醒起陳皮..有化痰作用~以前有飲"柑普茶"..都好鐘意飲呢

所以年初同老闆認真去睇下~反正媽咪比既陳皮差不多食晒

順便去買d自己收藏~買左"(2年)陳皮"(1磅)


我無買新鮮果皮自己曬~始終大陸果皮廠地方夠大

由專業人士洗刷+處理曬果皮~曬起1-2年貨品

起碼已經乾身+無咁易發霉~後期自己儲存都比較方便

店舖自設廠房製新會陳皮~1磅裝以乾身計算

比新鮮果皮輕身好多(份量多好多)~每包份量仲多過1磅

只要每年冬天(乾燥有北風)拎出黎~放入乾淨洗衫袋吹半日

可以配合柔和陽光吹曬~夜晚收納返就可以呢



2年已經有淡淡陳皮果香味..本身都曬得夠乾身



果日返娘家整廚櫃嘛~原來媽咪都收藏唔少陳皮

佢比我地聞下..用玻璃樽&鐵罐收藏~果然好大分別

用鐵罐收藏勁香囉~1磅用左2個鐵罐(寫埋日子..邊食邊收藏)



屋企仲有普洱茶葉~所以再買d"(7年)陳皮"粗飲(2兩)

混茶葉泡飲~7年陳皮..更加甘香~入口甘醇順喉



再買"柑普茶"(1磅)



過年拎左粒"小青柑"入去奶奶屋企..叫工人姐姐泡茶

佢倒晒d茶葉出黎..諗住掉左個柑~好在昅到

話依個先好野~要加埋一齊泡茶架(哈哈! 可能反應太大..嚇到佢呢)



超勁靚..好乾身+好甘香果味



依家每日都泡飲"柑普茶"..飲左二個月啦

過年見到表弟~佢同佢女朋友都話我瘦左喎

我自己感覺..整個人好似無咁水腫~由其下身(但體重差不多)

同埋..喉嚨依家好清好清~因為以往間中都有痰嘛



泡陳皮普洱外..間中覺得熱氣~都會加2-3粒胎菊&玫瑰花

胎菊清熱氣~玫瑰花有養肝去鬱結,促進血液循環又養顏



最後..仲有陳皮零食




我係依間買既~不過市面都有好多"陳皮行"

大家有興趣..不妨搵岩心水既"陳皮行"睇睇呢