1月24日(星期二)~之前炒好蘿蔔糕料..入模
繼續炒埋芋頭糕料..入模~就一次過慢慢蒸
都係去返同一檔買"泰國粉芋"~佢d芋頭真係最靚
"2017。xo醬芋頭糕"
1月24日(星期二)~大掃除完成..又休息左4日(power up)
準備就緒..是日開工整糕糕GO~都係用返自己整開既食譜
因為先半煮熟蘿蔔..慳好多時間~可以等蘿蔔出緊d水
唔駛直接炒到乾身..時間太長~最主要..如果炒得唔夠乾身
mix左粉後再出水~d蘿蔔糕分分鐘就唔要得..變成壞糕
所以我習慣咁樣整~加上依個蘿蔔糕成品..真係好好味呢
* * * * * * * * * *
好! 廢話少講..雖然同一個食譜~但每年都要post一次
因為唔想個食譜沉得太底..想搵既時候就煩囉(哈哈)
"2017。xo醬蘿蔔糕"
[甜橙滋潤沐浴露。用後感 ]
上篇DIY既"沐浴露"~用左11日..想再分享下用後感
開頭沐浴露比較水狀~大約第5日..開始見到凝固
由於椰子油皂既關係~天氣凍..都有影響凝固效果
係老闆發現凝固呢~因為有水份..凝固後質感變gel狀
之前提住老闆泡沫唔會太多~但用起上黎..又比預期多
甜橙香味..真係好fresh好舒服~用後皮膚潔淨又不拉緊
但下次再整..會試下減少水份比例~睇下加快凝固效果
(估唔到老闆真係有用心去用,仲會同我講返點點點呢^^)
* * * * * * * * * *
今次DIY另一款..又係日日會用既"Body Butter"
每次沖完涼..抹乾身體後~待仲有水份..即時搽潤膚用品
有效鎖水補濕及滋潤皮膚~令皮膚唔會出現痕癢/乾燥情況
皮膚除左補水..其實補油都好緊要~要讓身體水份/油脂平均
皮膚自然有亮澤飽滿感~當然夏天/冬天所用既成份唔同
夏天要用較輕油感既潤膚用品~冬天就要重油一點呢
依款"Body Butter"..簡單用4種材料就攪掂
12月12日(星期一)~時間剛好..等屋企樽沐浴露
差不多..用埋最後2次~可以準備DIY試整新用品
原本諗住星期日整~不過星期六..同老闆同事BBQ
瘋狂一夜之後..我又昏迷左一日一夜(依日終於回復精神 :p)
今次整個"Sweet Orange Moisturising Body Wash"
其實想DIY日用品好耐~上網hea睇過下..又無左件事
好早前見美容網站~勁hit教整"flower jelly lipstick"
成品係靚..不過男士用唔著囉~加上想成份再天然d
所以決定搵d用蜂蠟整既"潤唇膏"~咁就男女都岩用呢
* * * * * * * * * *
上個月咪話姨媽全家+細舅母..係加拿大返左黎既
姨媽一家人會留成個月~中途再去日本+Bali旅行
就係依個時間~諗起jelly lipstick..好想整d聖誕小禮物
送比家人,表姐弟妹,好朋友~最好表弟返加國之前完成
順便拎比外國住既表弟妹~於是急急上網搵最好既製法
買好材料..早一星期整定潤唇膏~final..等訂做既label貼紙
oh! 可惜表弟上機果日先到貨(趕唔切lu)~唯有寄比佢地囉
香港親戚比較易見~等遲下有聚會..先整最新鮮既送比佢地