2019年3月12日 - 3月23日 (阿聯酋自駕遊12天之旅)
每次自駕遊..係我心目中最重要既一項~一定係當地交通
始終唔係自己地方駕駛~點都要做足準備功課~加上..
我習慣去每個地方~路線要95%肯定正確(預留5%當地隨時改道)
唔會去到先慢慢摸..慢慢搵目的地~好浪費時間(香港我都係咁既 :p)
由其阿聯酋國家..交通好繁忙~例如杜拜..行車線講緊係8條
唔同泰國/東南亞/澳洲~要急轉線都一定無問題囉
******
另外..最重要係駕駛心態~每次都一定會提老闆(長氣都無辦法啦! 哈哈)
當然..我絕對信任佢既駕駛經驗~但道路上..自己要守安全規則
同時都要留意其他大意司機~係人地國家..盡量禮讓其他車主
第一..係唔想有任何碰撞~引伸浪費時間攪一大輪..阻礙行程
第二..仲要向租車公司賠償~專心+忍讓! 免左不必要壞事發生
******
唔計台灣自駕遊(右線行車經驗)~今次係第一次揸左軚車咋
所以出發前..我當上交通講解員~要求老闆用心上一課
課程中..先講解路面注意事項&交通影片~再講解當地罰款
仲叮囑老闆..閃黃燈好停車~當地任何一個點都裝有cam
出發前..狂刨google map~老闆唔理解..叫我唔駛咁緊張
去到跟google map得啦! 我話..佢顯示係一條行車線
到時好易行錯路~同埋先了解..再以google map輔助係最好
去到當地..老闆終於知道~我點解要咁緊張做囉(哈哈)
(Ajman)..7條行車線~交通已經無Dubal咁繁忙..但都好多車
除左google map..租車職員介紹用RTA Smart Drive App
不過用開google~唔慣睇RTA..所以最終無用
要確定去邊..一定要跟箭咀下既行車線
好似右2&右3..會出現分叉線~小心轉線
同埋要好留意當地兩邊車輛~除左車速快之外
佢地都習慣胡亂轉線~依個情況好普遍
唔係誇張! 會快速連cut 4線~所以要一眼關七
路牌多..先直去再分叉另一出口都多
預計泊車時間>入錢>取電子票>放車內大銀幕當眼地方即可
當地人揸車又心急~剛轉綠燈1秒即響按..催前車快D開車(哈哈)
亦曾經遇過..燈位直去中線有架車~行錯線要左轉
就突然抽頭~急速左轉入左方向(差D同直去線架車炒埋一碟..好危險)
都係果句..當地人揸車又急又亂切線~要好小心呢
不過人地先進好多~直接經過拱門..就已經收費
Salik label貼係架車大銀幕中間..出發前睇過AED4/次
但租車公司收AED5/次..即問問? 佢話唔屬私人登記車輛喎
同老闆上左一課..要留意既事項~真係好好多
(感恩! 零罰款 & Salik總消費:AED65.65..約HK$144)
例如Abu Dhabi有3條行車線..盡量行最右線果條
因為最左既車速係超快~行得太慢隨時要罰款呢
方圓唔知幾多里..人又無樹又無~唔知主人點搵返佢呢(哈哈)
如果高速行駛中..有機會睇唔切轉線
另外仲有最新引入..矮矮圓柱狀~偵測距離可以好遠
仲可以定位追蹤~除左交通..商場+酒店都有好多cam
同樣..就算7條行車線~都會分別去5個地方
我會先選定大路牌(D78/D75/D79/E11/E66)
再確定路名>confirm數字出口牌(54A,54B,55)
咁就實無錯..而D/E既意思係Dubai線/Emirate線
試過有d由80km入隧道~即減速到40km
Anyway..做足功課~過去揸車..其實都唔難既
老闆就話呢..係杜拜揸過車~去邊樹都無問題
因為當地人揸車又急又快又亂來~同埋線太多
出口又多..今次係阿聯酋交通上都有唔少得著
沒有留言:
張貼留言