3月19日(星期三)~中粉..中粉!! 依日要清緊d中粉先啦
冬天阿喂媽送既臘腸仲未食晒~到夏天我又唔想食架啦
所以都要加快清倉~同老闆去飲茶..見佢都鐘意叫臘腸卷
不過酒樓d臘腸真係超肥又唔香唔好味~臘腸份量仲多過包
食一啖已經好漏~反正屋企材料齊備..就整個比老闆過下口癮
分別用臘腸&潤腸..整左個"鴛鴦臘腸卷"
用1/3條再切半..共整4個包包
1.中粉(100g) 2.泡打粉(1/3茶匙) 3.糖(15g) 4.鹽(少許)
5. 酵母(1/3茶匙) 6.暖水(50ml) 7.臘腸&潤腸(1/3條..切半) 8.菜油(少許)
1. 酵母+暖水拌勻..備用
2. 粉類拌勻~分2次加入"酵母水"完全拌勻成麵粉糰
3. 用保鮮底封口..發酵2倍大~取出搓至光滑..表層搽上少許油
4. 將麵粉糰分成4分~每份麵糰搓成長條狀..卷上臘潤腸~放牛油紙上
5. 開鑊水..放上蒸籠及臘腸包~以中火隔水蒸20分鐘即成
P.S.
1. 蒸包以凍水落鑊開始計時蒸~注意不是滾水才放包入去蒸
臘腸笠 幾驚打咗臘腸狗呀 哈 ~
回覆刪除骨麼玲啦 我打機打到對眼好攰同好痛呀 @@
我鍾意食臘腸卷 因為又甜又鹹我鍾意 但小奧唔食囉 所以我無咩機會食 食哂 2 條會好滯架 ~
妳唔好再講清倉喇下 我唔想掉嘢 知道嘛 ?!
哈哈哈哈! 爆笑呀..臘腸狗! 痴鬼線架
刪除你依排打機打到喪心病狂..想嘔已經好大鑊啦
我以前都試過打到想嘔~你休息多d啦..咪偷懶打機唔做公司野呀
清倉..清倉..清倉~係咪要我encoer"咪做大0徒鬼"~哈哈哈哈
孖潤二mimi~ 又午安喇 今日有冇嘆下午茶呀 清完倉應該有好多製成品慢慢食架喎
回覆刪除我好少食臘or潤腸卷架 糯米卷都好少 係十年都食唔到一個..誇唔誇呀 包類我淨係like食馬拉糕&叉燒包 你下次整古法馬拉糕吖
係架..自己整可以包少啲臘潤腸感覺好啲 你包得好靚呀 可以攞出去賣
三木早呀..你今日忙嗎?
刪除我都少食臘腸卷~糯米卷反而間中會想食~可能都鐘意食糯米啦
係啦..自己整材料可以自己控制~我寧願多包少腸
hello hello yanomi,
回覆刪除其實你會唔會都識整臘腸架呢?wakakaka...食完飲返杯熱茶就完美喇!
hello hello soning
刪除哈哈~no啦..其實唔係阿喂媽送~我係唔會買臘腸囉
所以唔會整啦! 哈哈