食譜。豆沙水晶糭

老闆鐘意食糭..早排街開始有得賣~佢都有提話想食

比佢講2講..今年突然想試下包糉(哈哈)~鹹/甜糭我都ok既

由其梘水糉..真係好鐘意食~不過老闆唔鐘意食囉

如果整鹹糉..買料要包好多隻~咁考慮下..出年先包

可能買一份料包晒2款(鹹/甜糉)..夠2口子食就算lu

屋企有糯米又有西米~最終就整個"豆沙水晶糉"吧!

用料好簡單..有糉葉, 西米,紅豆蓉,棉繩

屋企剩返好少西米~再買pack斑蘭西米

mix埋有2種顏色又靚d~西米先用油,糖,清水完全拌勻

糉葉先拖熱水至軟身..修剪頭及尾部~略抹後..再掃油上少許油

材料準備好..可以開始包糉

上星期五買一份糉葉..包到22隻

西米料及紅豆蓉..仲有半份剩左

當晚叫老闆試食..估唔到佢咁鐘意食+話好好味

仲叫我整d拎返公司..同同事慶祝端午節+分享喎

迷你糉好得意~西米口感煙韌+配紅豆蓉味道好夾

星期日再買定糉葉..昨日開工

之前upload左"包糉過程影片"上FB專頁(大家有興趣可以上去收看)

今次影相放blog做紀錄~先將2片糉葉對疊

扭成杯狀

先放西米>豆蓉>西米..再略壓實>兩邊對摺

對摺後..上部向下覆摺~再夾實兩邊

 尾部向後摺平~用棉繩綁紮..完成

第2次整..改良左少少

西米方面..加多左清水去混合成黏狀..仲更加好包

 昨日包2份糉葉..共46隻~西米料隨後要自行加份量

燒熱大鍋水..放入糉子以中細火煮2小時以上至西米完全熟透

煮既時間..用碟壓面~以防糉子浮面影響熟度

食譜(約44隻迷你糉份量):

1. 西米(300g)  2.即用紅豆蓉(1包)  3.糉葉2份(約88片)  4.棉繩(1卷)

1. 西米加入2.5湯匙油..3茶匙糖及清水180ml
2. 糉葉先用熱水拖至軟身~修剪頭及尾部..略抹乾淨搽上少許油
3. 將2片糉葉..扭成杯狀~放入西米>紅豆蓉>西米
4. 將2邊對摺~上部再向下覆摺..將兩邊夾實尾葉向後摺平~用棉繩綁上
5. 燒熱水..放入糉子及以碟壓面~以中細火煮2小時以上至西米完全熟透即成

P.S.
1. 西米混合180ml清水後~建議逐少再加入清水至少許黏狀..比較好包
2. 個人覺得暖/室溫比較好吃