近年新聞報導..有關外國"自駕遊"發生既交通意外都好頻密
其實除左自己有良好駕駛態度外~都要非常關注其他司機駕駛
由其去到一個陌生地方駕駛~更加要遵守當地交通規則
出發前..最好細閱一些當地交通資訊~有助減低交通意外
塔斯曼尼亞既交通道路好靚~路牌指引亦非常清晰
雙線雙程行車好普遍~而當地人駕駛既車速都幾快
迎頭會遇到好多大車..車速好快~所以要特別小心
除左3卡木頭車~見過有d貨車拖三隻細櫃
所以通常見到迎頭巨車~我地會減慢車速
同埋..留意佢會唔會唔小心貼近對面線
另外..要好留意指示牌~雙線雙程行車..路面未必完全係雙白線
有時雙線雙程行車..會係虛線~唔習慣既會較易混淆
而過車扒頭都要特別留意~路段要睇得好通透先好過線
同埋..最好等有過線位先好扒頭呢
Highway最緊要留意車速
當地警察捉超速/違例泊車..積極過捉賊呢
Road Work又係經常遇到~除左慢車..有時甚至要停車等候
有d路段road work後..未咁快印線~駕駛時要留意地面
以中間兩粒貓眼石為分隔線左右即可~同時..盡量慢車
以防地面石粒整爆車軚而延誤自己行程~曾經有個case
自駕遊中途爆軚~要call租車公司幫手..加上地方又大
足足係原地呆等左3小時
經過火車軌..要留心燈號訊息
留意紅綠燈指示
留意自己既行車方向..小心駕駛
駕駛時..最緊要專心+留心+細心~咁就萬無一失..玩得開心!!
沒有留言:
張貼留言