食譜。浸鹹酸梅

4月23日(星期四)~出依篇既時候..青梅已經唔當造啦 :p

不過都要做個紀錄~等出年再整既時候..唔記得都可以睇返

早幾年開始..阿E已經有浸梅酒習慣~通常浸完會分派比我地

不過次次飲完..我都覺得會頭痛~同埋..梅酒入口都係太甜

本身少飲汽水又唔太嗜甜~雖然like飲酒..但都係一般鐘意梅酒

上年..阿E整樽"鹹酸梅"比我~我鐘意食酸野..所以好快消滅晒

今年青梅當造..經過好多次都無心諗住整~早2日突然見到

又諗起浸"鹹酸梅"~屋企存貨唔多..於是買2磅返去即刻浸呢

* * * * * * * * * *

聽阿E講青梅個蒂有毒~所以一定要去蒂

我用鹽浸一陣..再用牙刷擦乾淨~抹乾就浸得

好簡單..材料只有粗鹽&米醋

浸2個月或以上..酸梅就食得~當然浸得越耐越好

酸梅除左煮餸/煲湯外~我最鐘意用黎沖飲品

由其沖soda water,青檸酸梅蜜糖,七喜等都好唔錯

加上有時食多左/滯左~酸梅仲可以消積滯呢

食譜 :

1. 青梅(2磅)   2. 粗鹽(1包)   3.米醋(1支大)

1. 青梅去蒂..用鹽浸一陣~用牙刷擦洗乾淨..抹乾
2. 玻璃樽先放入青梅~倒入粗鹽~再倒入米醋
3. 密封存放2個月或以上..即可食用