2月8日(Happy Friday)~依日整完兩款鹹糕之後
要hea一陣..落街食個下午茶~先再返屋企整甜糕
前年整過"傳統年糕"~上年就整過"薑汁年糕"
反正之前整過南瓜湯圓~所以今年整下"南瓜年糕"
調好年糕料之後~可以準備蒸(絲絲南瓜..清楚見到)
佢地都話好好味~口感好軟糯啊^^
1.南瓜(去皮)-300g 2.糯米粉-160g 3.澄麵-40g 4.水-160g 5.brown sugar-110g
1. 南瓜去皮洗淨切件~以中火隔水蒸熟
2. 壓成南瓜茸+brown sugar完全拌勻
3. 糯米粉+澄麵拌勻~加入南瓜茸完全拌勻後..加水完全拌勻
4. 糕模搽少少油~倒入年糕料~以慢火隔水蒸40分鐘至全熟即成
hello yanomi, 又凍番了，啲天氣好難捉摸，記得加衣呀...
回覆刪除今年我想整呢個南瓜年糕，請問蒸完後放雪柜，可存放幾耐呢?? 因我冇經驗，想計番大概幾時開工... 唔該哂 :)
hello阿肥..你都要好好保重身體! 快d康復過年呀!
回覆刪除唔.........未煎既你預4-5日都ok無問題~始終keep最新鮮食會最好
不過就算未食住..煎開糕都可以煎起晒~凍左放回雪櫃慢慢食
通常我最last先整糕~今年應該年28-29開始整...想過年前拎埋入娘家呢^^