中式包點類黎講呢..我最鐘意就係食"蓮蓉包"
由其用黃蓮蓉做餡~庶糖味比白蓮蓉餡香濃好多
而中式甜包中..我最唔鐘意食就係麻蓉/奶黃包
細個同爸媽飲茶..有時會叫黎食~次次邊食邊打冷震(太甜)
而爸媽一向管教都好嚴厲(絕對無情講)..由其唔准偏食
任何食物都要我地食下~記得細個最唔like食苦瓜
扁過一次面之ma~攪到成個星期..晚晚都要食苦瓜(嗚~!)
所以之後醒啦..唔鐘意都大啖食~唔係有排受苦(哈哈)
不過其實爸媽嚴厲都係對我地好~家教真係好重要架
依家大個左..唔會抗拒食~但有得揀..亦唔會揀黎食既
(=有時飲茶叫"迷你煎堆"~點知原來入面係奶黃餡..少少會照食~多就一定撩走晒囉..哈)
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
早排阿喂無啦啦問我~點解唔見我整中式包點
所以佢講完之後~我就試整個"中式蓮蓉包"
依個剛入籠準備蒸~之前見好多人都講同一問題
話蒸完面層好易起皺紋~我都擔心架..不過都試左先囉
