Pest Control。驅蟲器

8月26日(星期六)~早排同媽媽傾開電話

講開最敏感既話題"巨強"=.="~大家都話吽風特別多

今年仲咁多風暴~落雨+濕濕笠笠又焗熱..真係仲更加多呢

上月有晚作打風ma~同阿喂睇睇下電視..突然有飛巨強入宅

果晚真係人都癲~嚇到我出晒汗..好似剛沖完涼未抹身咁濕=.="

好在阿喂係道咋~唔係我都唔知點算(精神分析學黎講..依種都係"恐懼症")

媽媽講佢地屋企都係~吽風多左飛巨強入宅(嚇到妹妹"雞飛貓走"..哈)

原本我買左d"巨強粉"比佢地用~咁岩早排佢地行開百貨公司

話見有部電磁波頻機..專門係用黎驅蟲~所以就買黎試試喎^^

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

昨日(星期五)返娘家~順便諗住睇下部"驅蟲器"

聽媽媽講..插左部機~頭一星期(如果)屋企有巨強會走晒出黎

果然佢話頭3日都有囉~加上佢地慣開廚房窗仲多啦
(我屋企試過2次巨強入宅..都係由廚房+洗手間窗走入黎~所以依家完全唔開~連渠口都封埋)

睇完依日就急急拉阿喂去買~依隻係"專業版"(季節性飛蟻不適用)

原理其實係利用電磁頻率(地震)及聲頻去驅蟲

震頻仲可以穿牆過壁~"專業版"覆蓋範圍有5000呎(勁!!)

有效對抗既昆蟲種類~明顯比"家居版"多d添

不含化學原料及危險裝置~唔會對兒童,寵物產生不良影響

操作非常簡單~只要定期轉頻率就可以了(頻率變動可令昆蟲冇從適應)

耗電量仲非常低(每月$3)

"TEST"按鍵..主要測試部機係咪運作正常

按鍵有聲=正常..無聲=已耗盡~"專業版"一般可以用到10年

有左依部機..心理上屋企好似有個金鋼保護罩

昆蟲速速遠離我5000呎範圍內~煞!!!

娘家買左"家居版"~覆蓋範圍2500呎~有效驅走4類昆蟲
(佢地主要驅巨強~無我咁神經質..要買個強大既"專業版"鎮宅)

"家居版"比"專業版"細部好多~所以好慳位

阿喂本身好惹蚊~之前係手機裝過一個"驅蚊app"

上次去野餐試用~點知音頻好弱..d蚊唔走又唔驚=.="

我本身係信"音頻"可以驅蚊~所以今次買開驅蟲器

阿喂就留意到部"隨身驅蚊器"~所以又買埋囉^^

有3種音頻調較選擇(室內,戶外,叢林區)
(我同阿喂不約而同都話~如果"叢林區"..南幽島既view point試就最正~因為多蚊到好恐怖)

男人/大人當錶帶..好似怪怪地~所以配條電話繩

隨身fing住帶~就比較無咁怪^^

另外..依隻"Bio Kill"~我已經keep住用左10年

效用真係好好~雖然有部驅蟲器~但我都會繼續用呢

P.S.
此等產與我並無任何利益關係..亦不涉及宣傳性質~純粹作為用家身份
而我本身係blog亦只會分享"實際性" + "有效用性"既產品給大家參考
如果大家有興趣..不妨去百貨公司睇睇~再衡量是否適合個人需要