阿聯酋自駕遊。Ajman UAE(Home Centre & Emirate Markets & Soya Chang Restaurant)

2019年3月12日- 3月23日 (阿聯酋自駕遊12天之旅)

3月13日(星期三..Day 2)~係Ajman Fish Market食完午餐

下午行程.."行家品商場。Home Centre & Emirate Markets"

近年外遊鐘意行下當地家品店~當然..有d帶唔到返香港既

默默欣賞當見識過~如果岩心水既..都會買返香港自用

但最重要一點..睇佢made in邊樹~因為UAE好多大陸貨品呢

 家品店好大..分成2層~各式各樣家品都有得賣

行完Home Centre..過條天橋就係Emirate Markets

 依間感覺好平民..內部裝修簡陋~但地方超級大

家品超平..款式比Home Centre大路+平民化

但部份質素~就唔係咁睇得上眼

依類野餐籃好正! 包埋唔同款式既刀叉用品

除左家品..仲有超市部份

所有水都平..比day 1 Safeer Hypermarket買平囉

老闆話要食薯片..買啦! 買啦! 依款又真係好味喎(哈哈)

當地超市無酒精飲品出售~要去酒品專賣店先有

依間Oscar Grand Cellar開左年多~正正係酒店隔離

Day 1去酒店check in前~順便大量上貨..價錢好平

UAE有部份酒品專賣店需要有合法license先準許買酒

Ajman依間唔需要~Dabai部份專賣酒品店就比較嚴謹

行完家品店..返酒店hea+游水~夜晚再出去食飯

是日晚餐..Soya Chang Restaurant(由酒店步行去食店)

安排行程時..驚老闆唔接受/唔鐘意食中東菜

所以頭2日安排中菜..比d甜頭佢先(奸笑)

 點菜後..送上甜脆片小吃~另叫綠茶&可樂

 鐵板辣子雞

 超級熱辣辣~雞肉好嫩..香辣又惹味

 水煮魚..份量都幾多

食材新鮮~水煮汁夠辣..仲加左少少咖喱~令味道更加特別

配料芽菜都唔少..仲有少少薯粉

整體食物好味~夠新鮮熱辣辣上檯(無預期中東食中菜..有咁既水準)

整體食店環境舒適+服務都好好(總消費:AED85..約HK$181)

食完散步返酒店..Ajman夜晚都幾靚~而且好舒服

(待續)