布吉自駕遊。Shopping Point

6月6日- 6月13日 (布吉自駕遊8日7夜之旅)

6月13日(星期六)~今個trip都有四圍行下mall

除左較為大路既Central Festival, Jungceylon外

今次仲有去行下大型既家居設計/用品商場

岩心水都想買返d返香港用~其中一個"Home Pro"


形式似Ikea..貨品價格都平


我同老闆鐘意睇home design~邊睇邊傾咁咁咁(好多話題..哈)





旁邊有間Villa Market~入口貨多

就算本土貨品..價格都偏貴



另一個.."Index Living Mall"



有2層..下層係大型傢俱/家居設計/電器用品等



上層就係生活化用品





Phuket Town - Limelight



有食店,按摩店,market等~新商場唔算多野行

但冷氣超夠~放學時間仲有勁多學生流連



無乜野行..經過上層Kim's Massage~入去做個foot massage

佢有好多間分店~每間格局都裝修得幾得體+感覺好乾淨



做完1小時之後..老闆話佢果個按得好舒服

但我果個就勁大力..叫左細細力~佢話我d肌肉好緊

所以大力推鬆~但我真係受唔到..轉細力都傷左

最慘之後去So Thai Spa做Spa~按摩師輕手按都唔掂(勁痛到標汗)



仲有去.."Lemongrass House"掃貨





除左handcream~再買d香薰梘比屋企人



泰國通介紹既手信店.."Pornthip"

去Baan Teelanka玩倒轉屋果日經過..順便睇睇

估唔到除左大陸團~仲有好多local團去依道



偷影左幾張~好快比職員發現



價格當然唔平



同埋..試下佢講既"榴槤茶"有幾特別

我同老闆都試左..榴槤味好淡+唔原味~奶味好重(唔好飲)



"Central Festival Mall"



行到攰..去Black Canyon Coffee食tea休息





有日係Big C Food Court食lunch

因為天氣太熱..唔想去街邊檔食

依道有冷氣涼浸浸~原來好多Thais都會係道開餐

食物絕對唔輸蝕過街檔~份量多..價錢一樣~味道正







臨去機場..最後一餐想食pizza~去到食店問話開11:30am

所以行到夠鐘先去食~點知..11:30後去到又關左門

依間"Pizza 2000"..上次已經食唔到~今次又食唔到(嗚!)

時間無多..即刻轉去Central Festival Food Court食野

係Food Court先買卡~金額無限制..退咭時會退回現金



老闆要"豬手飯 (+蛋+豬腸)"



豬手+豬腸好腍好入味~伴有蔬菜 & 酸菜..好開胃





我要"炸豬手飯"



好香脆..入面就軟腍~加埋佢d醬油..個飯真係好味





臨別秋波..最後點個"芒果糯米飯"



芒果好甜好靚



個飯唔掂! 糯米飯有d腍..有d又硬唔煙韌

又無味道..只有椰奶味~同Siladon Spa果個差好遠



Food Court地方都幾大~環境舒適冷氣又夠