頭髮護理。清水洗頭

平時係街..我會不自覺好留意人地d頭髮

由其好靚果d真係好羨慕~因為早年又電又染

攪到d髮質差晒~加上飲食方面..又唔夠營養比佢

所以d頭髮唔靚..乾又易斷~一直都諗..有咩方法修復

2013年電完髮後..決定停一停~要好好照顧下d頭髮先

約1年前..睇到外國有段報導~有個女人用清水洗頭5年

除左髮質健康+有改善外~頭髮仲豐厚+強韌左..白髮都少埋

不過心理上..用清水洗頭好似唔夠乾淨~事件又拋諸腦後

4個月前..又睇到報導~又介紹香港有個女仔用清水洗頭

效果同外國果個人講既一樣~心諗..唔通上天真係想傳遞

依個方法叫我試試? 反正一試無妨..唔ok咪用返洗頭水囉

終於上年10月中..就踏出第一步~嘗試用清水洗頭呢^^

~ ~ ~ ~ ~ ~ ~ ~ ~ ~

其實當時介紹無講解..所謂清水洗頭既方法~我又心急即刻試

所以無上網查找~由第一日開始..足足連續14日都用清水洗頭

頭油勁足..摸上d頭髮係滑+強韌左~不過個look好似帶完頭盔

最終頂唔順..用1次洗頭水洗完~心思思..幾日又唔用洗頭水

後尾..終於明白~應該之前個概念錯左~但又懶得上網查找

應該唔係單用清水洗頭~我估係用1次洗頭水~打後幾日用清水

直到頂唔順好笠..再用1次洗頭水~依個概念..維持至今(3個多月)

下圖係1月初影既~用洗頭水洗完後..連續用清水洗頭

依日係第3日~頭皮釋放頭油量..開始習慣~無最初果陣

用清水洗1,2日都feel到好笠好重~依張睇上去都唔算笠呢

加上用洗頭水每日清走頭油~頭皮習慣每日發放充足頭油量

令頭髮有足夠滋潤~所以開頭用清水洗頭..頭油量未習慣控制

3個多月後..頭油量已經減左唔少~當然都要配合天氣而定

總之依家會用1次洗頭水洗頭~第2日開始轉用清水沖洗

頂唔順覺得好笠..先會再用1次洗頭水~而清水沖洗方法

用花灑直沖住d頭髮~同平時洗頭一樣..手指肉不停搓頭皮

直到感覺乾淨~開頭我會沖洗+搓好耐..依家已經減短時間

~ ~ ~ ~ ~ ~ ~ ~ ~ ~

除左用緊既洗頭水~依款Neutrogena都keep住用左好多年

每星期只需要用一次(=Format頭髮)~還原最原本既髮質

同時..我會每星期做1-2次焗油~依款焗油膏都幾好用

用後髮質輕盈柔順(切忌揀選任何有矽油既洗髮/護髮用品)

搽上頭髮後..仲見到幼細珍珠粉末粒子

近年就選用依款"髮尾油"~用後唔黏笠都幾好用

係萬寧買開~有次剛買完..就見佢做特價(每支平$30)

諗住好快再有特價先再買ma~點知等左好耐都無

用晒果支又要用正價買(嗚)~終於拜托個fd幫手昅

因為佢去萬寧既次數比我多~真係昅左好耐好耐

有日個fd睇到即刻通知我有折..開心到呢(Thx 33)

用清水洗頭3個多月~減少左洗頭水既化學物質

髮質真係比之前好左少少~有日走去修修d頭髮

其實每次見親個髮型師~佢實話我d頭髮好碎斷

果日佢問我..d頭髮係咪斷少左~即係明顯有改善呢

希望假以時日..d頭髮可以去到心目中想要既效果