9月16日 - 9 月21日 (沙巴自駕遊6日5夜之旅)
9月16日(星期三..Day 1)~下午取車後..直接去酒店check in
hea陣就開始行程~先去Town視察..順便係KK Plaza超市上貨
買定啤酒+大支裝飲用水..再返酒店放底d野~準備出去食晚餐
原本第一餐去"金寶海鮮餐廳"..位置好近酒店(揸車約3分鐘左右)
點知無開?! 唔知執左定休息~幾日都關門大吉(第1日真係諸事不順)
咁即刻轉場去"大茄來海鮮餐廳"(位置在Stay City Mall 附近)
揀好檯..再一齊出去揀海鮮~海鮮種類都幾多
有心去沙巴食海鮮~必食"老虎蝦 & 東風螺"
揀好海鮮..返座位等食~老闆就去拎定d餐具
"桔仔冰 & 青檸冰"~共order 3杯飲品..味道好甜
"奶油老虎蝦(x2)"(Rm100..約$185)
蝦肉新鮮彈牙..啖啖肉~奶油味淡..無乜奶油濃香感
醬汁質感幼滑~但味道感覺上就比較平凡
"蒸東風螺"(Rm 13/500g..約$24)
螺肉勁鮮甜..肉質鮮嫩~以腐乳醬伴吃..反而過於嗆
所以選擇淨吃~真正吃到原汁原味
"甘香螃蟹"(Rm 30/500g..約$55.5)
早年係KL食過用甘香醬煮既食物~記憶猶新
依個醬既味道..唔突出又唔夠惹味~平凡無特別感
螃蟹肉質一般~比較軟淋唔夠結實
"黑胡椒螃蟹"(Rm 30/500g..約$55.5)
黑胡椒比甘香煮得好一點~胡椒味唔算重..味道少少偏甜
沙巴好多地方都熱賣"椰子布丁"~第一日黎到當然要點返個食
"椰子布丁"(Rm 13..約$24)~味道清甜有椰子清香..口感冰凍滑溜
但價錢算貴~隨後去local檔食..比依個大又好味(只係Rm 5..約$9)
整體食物水準普通 (總消費:Rm 200..約$370)
下午塞車塞到頭有d痛~食完飯直接返酒店休息~明天行程繼續
參考資料 :
1. 大茄來海鮮餐廳 (KK Town分店)
沒有留言:
張貼留言