3月17日(星期二..Day 9)~行完"Mount Field Park"
原來都差不多1:00pm~係時候食lunch..之後繼續行程
去程時..經過依個波浪路~記住話要回程影返張相(哈哈)
Lunch@Salmon Ponds
入口位置..兩旁高樹好靚
Tea For Two.."Chamomile"
"Smoked Salmon & Camembert"
見份量都幾多..所以叫一個share~餐廳幫我地分成2份
煙三文魚好香..芝士又有拉扯感~蛋層好軟薄..好好味
伴菜好新鮮~份量都唔少(總消費: AUD 27)
食完問老闆行唔行花園魚池~佢話唔太吸引
咁唔想行..行程又繼續呢^^
期待已久去wildlife park~可以同動物近距離接觸(yeah!)
約30 mins車程..到達"Bonorong Wildlife Sanctuary"(AUD 25/pp)
買完入場券~職員比2包袋鼠糧..教我地點餵+摸袋鼠正確方法
順便問下職員..幾點有導賞員講解~佢話剛剛開始啦(go)
'Tasmania Devil"..塔斯獨有既動物~做research時..
印象中記得少少資料~袋獾曾經因面部生腫瘤而大量死亡
2008年列為瀕危動物~後期Tasmanian開始做保育
研究病因..減低死亡率及培育工作
身型圓碌碌..都幾似隻狗仔~加上又跑得好快
不過真係好兇惡~導賞員入去比食物引佢出黎
佢一出黎就跑去想咬導賞員~導賞員教會用腳擋
當然我地唔准入去呢~睇佢兩隻牙仔幾尖
之後去樹熊區..導賞員抱左隻樹熊出黎介紹+供遊人影相
好得意..肥dou dou
2000年跟團去澳洲~果道d樹熊無咁精靈
領隊話打左針..所以懵懵地~依隻真係好精靈
導賞員教我地點摸佢~可以係佢大脾抓癢
但唔好摸頭~示範果陣佢個樣爽到呢(哈哈)
老闆依張影得好靚~同埋..依隻樹熊好鐘意影相
任影唔嬲~同老闆影果張..仲好似笑咁架! 勁嗲
導賞員嘗試左好耐..想抱返佢入去都失敗(哈哈)
嘗試抱3次都唔肯走~又唔可以勉強..怕樹熊會情緒緊張
最終交比下位導賞員~留待佢同下一批遊客講解再抱走(哈哈)
最後有"Wombat"(袋熊)
導賞完..去袋鼠區~草地唔會有欄
袋鼠係自由生活~所以見到人就會走埋黎..攞食
洗完手先去餵袋鼠~都未拎包糧出黎..已經比袋鼠圍(哈哈)
老闆話太多好恐怖..唔餵喎~咁我影完相..叫佢影我餵囉
背住影還可~正面見到..即刻跳晒埋黎
係咁撞個袋~又撞部相機攞野食..好鬼粗魯(哈哈)
依邊只係1/3草地既袋鼠~真係好多好多
餵完玩夠~4:00pm開始回程返Hobart Apartment
休息一陣..再去超市+food court買食物
是日晚餐.."咖哩雞 & 咖哩魚"~叮返熱佢好快食得
"Naan (x2)"..依間印度咖哩店係超市附近
經過聞到好香..昅左幾日話搵日食~真係好好味
Day 2 係Launceston買pack麵包仲未食晒~翻焗用黎送咖哩
老闆話要飲湯..煲個"番茄洋蔥三文魚湯"
依晚7:30pm已經食完飯~攪掂hea陣..可以早d瞓覺
見老闆有d作感冒~所以聽日行程會轉一轉
等佢可以瞓多少少自然醒呢^^
(待續)
參考資料 :
1. Salmon Pond - http://www.salmonponds.com.au/
2. Bnorong Wildlife Santcuary - http://bonorong.com.au/
沒有留言:
張貼留言